🛕 आषाढी एकादशीनिमित्त नांदेडमध्ये ‘प्रति पंढरपूर’ माऊली दिंडी शोभायात्रा ६ जुलै रोजी

नांदेड | प्रतिनिधी – आषाढी एकादशीनिमित्त नांदेडमध्ये ‘प्रति पंढरपूर’ अनुभव देणाऱ्या माऊली दिंडी शोभायात्रेचे आयोजन करण्यात आले असून, ही दिंडी येत्या ६ जुलै रोजी दुपारी २ वाजता संत नामदेव मंदिर (गायत्री मंदिराजवळ), जुना मोंढा येथून सुरू होणार आहे. यंदाचे हे दिंडीचे चौथे वर्ष आहे.

पंढरपूरला प्रत्यक्ष जाणे शक्य नसलेल्या भाविकांसाठी या शोभायात्रेचे आयोजन करण्यात येते. दिंडीचा मार्ग जुना मोंढा टॉवर, बालाजी मंदिर, मुथा चौक वजिराबाद, एस.पी. ऑफिस चौक मार्गे कालामंदिर स्वामी समर्थ मंदिर येथे सांगता होईल.

दिंडीमध्ये माऊलींचा जिवंत देखावा, लेझीम पथक, टाळकरी संच यांचा सहभाग असून, हजारो भाविक या शोभायात्रेत सहभागी होणार आहेत.

आवाहन करणारे प्रमुख संयोजक –

डॉ. रमेश नारलावार, संभाजीराव धुळगंडे महाराज, शंकर सिंगेवार, पंढरीनाथ बोकारे, डॉ. तळणकर, डॉ. संजय मानाठकर, मोहन पाटील, गणेश ठाकूर, डॉ. रायेवार, अनिल पापंटवार, मधुकर मोतेवार, गणेश गादेवार, गजानन पिंपरखेडे (वकील), धनंजय उमरीकर, माऊली दिंडी परिवार.

महिला आघाडीचे सहकार्य –

सौ. प्राची चौधरी, सौ. माला शर्मा, सौ. गहिरवार ताई, कु. ज्योती पाटील, सौ. संध्याताई छपरवाल आदींचा मोलाचा सहभाग.

Author: